Кіраўнік аддзелу зьнешніх царкоўных сувязяў Расейскай праваслаўнай царквы мітрапаліт Іларыён назваў апэрацыі па зьмене полу блюзьнерствам і злачынствам.
У этэры тэлеканалу «Россия 24» Іларыён заявіў, што «царква ніколі не прызнае тыя вычварэнствы, якія існуюць у многіх заходніх краінах, калі, напрыклад, дзіця з самага дзяцінства або ледзь не з маленства, вучаць, што ёсьць біялягічны пол, а ёсьць той пол, які ён можа сам сабе выбраць».
Мітрапаліт заклікаў караць бацькоў за такія дзеяньні ў крымінальным парадку.
Ён таксама дадаў, што «калі мужчына, перароблены на жанчыну, захоча хрысьціцца, ён усё роўна будзе ахрышчаны як мужчына».
