Лінкі ўнівэрсальнага доступу

Улады Горадні дазволілі сьвяткаваць #БНР101. Будуць мітынг, канцэрт і дзіцячыя пляцоўкі


Сьвяткаваньне Дня Волі ў горадзенскім Калоскім парку ў 2018 годзе
Сьвяткаваньне Дня Волі ў горадзенскім Калоскім парку ў 2018 годзе

Сьвяткаваньне 101-й гадавіны абвяшчэньня незалежнасьці Беларускай Народнай Рэспублікі адбудзецца ў суботу 23 сакавіка ў Калоскім парку Горадні.

Праграма разьлічаная з 13:00 да 17:00. Цяпер арганізатары дапрацоўваюць сьпіс выступоўцаў. Днямі стане вядомая дакладная праграма сьвяткаваньня.

Вадзім Саранчукоў
Вадзім Саранчукоў

«У нас вялікі фармат сьвяткаваньня: фуд-корты, фотазоны, дзіцячыя пляцоўкі, канцэрт, выступы. Усё ў поўным аб’ёме. Дазволеная сымболіка, датычная падзеі, і ўсякая зарэгістраваная», — адзначыў адзін з арганізатараў захаду Вадзім Саранчукоў.

Пачынаецца збор сродкаў на мітынг і канцэрт у Горадні. Як можна ахвяраваць грошы, стане вядома 19 сакавіка.

Улады далі адказ на чарговую заяўку пяці горадзенскіх актывістаў у апошні магчымы паводле заканадаўства дзень, 18 сакавіка. Калоскі парк нешматлюдны і аддалены ад цэнтру. Першую заяўку, каб адзначыць Дзень Волі ў парку Жылібэра ў цэнтры гораду, Горадзенскі гарвыканкам не задаволіў.

Сёлета гарадзенцам трэці раз запар далі дазвол сьвяткаваць угодкі абвяшчэньня БНР.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG