Каля 8,5 кг марыхуаны канфіскавалі ў жыхара горада Мікашэвічы Лунінецкага раёна, паведамляе БЕЛТА са спасылкай на УУС Берасьцейскага аблвыканкаму.
Апэратыўнікі падчас ператрусу ў падвале шматкватэрнага дома знайшлі і канфіскавалі каля 8,5 кг марыхуаны. Уладальнік наркотыку — 43-гадовы беспрацоўны мясцовы жыхар, які раней ужо прыцягваўся да крымінальнай адказнасьці.
«Ён распавёў супрацоўнікам наркакантролю, што захоўваў марыхуану для наступнага збыту. У момант набыцьця наркотыкаў быў затрыманы і 32-гадовы мясцовы жыхар. У дачыненьні да дваіх мужчын распачатая крымінальныя справы па арт. 328 КК», — праінфармавалі ў міліцыі.
Зараз апэратыўнікі вызначаюць, ці затрыманыя распаўсюджвалі наркотыкаў на тэрыторыі раёну.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў