Амэрыканскі часопіс Forbes 5 сакавіка апублікаваў штогадовы рэйтынг самых багатых людзей сьвету паводле стане на вясну 2019 года.
Лідэрам рэйтынгу, як і год таму, застаецца 55-гадовы ўладальнік Amazon Джэф Бэзас з капіталам 131 мільярд даляраў. Аднак, улічваючы шлюбаразводны працэс, да наступнага рэйтынгу ён можа страціць свае пазыцыі.
Рэйтынг мільярдэраў, ТОП-20. Рэйтынг Forbes 2019
1. Джэф Бэзас — $ 131 млрд, Amazon
2. Біл Гейтс — $ 96,5 млрд, Microsoft
3. Ўорэн Бафэт — $ 82,5 млрд, Berkshire Hathaway
4. Бэрнар Арно — $ 76 млрд, LVMH
5. Карлас Сьлім Элу — $ за 64 млрд, Grupo Carso
6. Амансіё Артэга — $ 62,7 млрд, Zara
7. Лары Элісан — $ 62,5 млрд, Oracle
8. Марк Цукербэрг — $ 62,3 млрд, Facebook
9. Майкл Блумбэрг — $ 55,5 млрд, Bloomberg LP
10. Лары Пэйдж — $ 50,8 млрд, Google
11-12. Чарлз Кох — $ 50,5 млрд, Koch Industries
11-12. Дэвйід Кох — $ 50,5 млрд, Koch Industries
13. Мукеш Амбані — $ 50 млрд, Reliance Industries
14. Сяргей Брын — $ 49,8 млрд, Google
15. Франсуаза Бэтанкур-Мэерс — $ 49,3 млрд, L’Oreal
16. Джым Ўолтан — $ 44,6 млрд, Walmart
17. Эліс Ўолтан — $ 44,4 млрд, Walmart
18. С. Робсан Ўолтан — $ 44,3 млрд, Walmart
19. Стыў Болмер — $ 41,2 млрд, Microsoft
20. Ма Хуатэн — $ 38,8 млрд, Tencent
Цікавыя факты пра сьпіс мільярдэраў Forbes-2019
1. Усяго ў сёлетні сьпіс трапілі 2153 мільярдэры. 10% фігурантаў леташняга сьпісу ня трапілі ў сёлетні, але сьпіс папоўніўся новымі асобамі. У выніку ў сьпісе аказалася менш на 55 чалавек, чым летась.
2. Больш за ўсё ў сьпісе амэрыканцаў – 607 чалавек, на другім месцы – кітайцы, іх у сьпісе – 324 чалавекі. У сьпіс Forbes-2019 трапіла 114 немцаў, 98 – расейцаў, па 7 палякаў і ўкраінцаў, 5 казахстанцаў.
3. Прэзыдэнт ЗША Дональд Трамп апынуўся на 734-м месцы.
4. Самым маладым мільярдэрам у новым рэйтынгу Forbes з тых, хто не атрымаў у спадчыну капітал, а зарабіў грошы самастойна, стала інстаграм-мадэль і заснавальніца касмэтычнай кампаніі Kylie Cosmetics Кайлі Джэнэр. Ёй 21 год, і яна стала самым маладым мільярдэрам у гісторыі, пабіўшы рэкорд заснавальніка Facebook Марка Цукерберга, які стаў мільярдэрам у 23 гады.