Лінкі ўнівэрсальнага доступу

Ірына Акуловіч паведаміла, куды пойдуць грошы ад «справы БЕЛТА»


Кіраўніца БЕЛТА Ірына Акуловіч.

Генэральная дырэктарка БЕЛТА Ірына Акуловіч адмовілася падрабязна камэнтаваць рашэньне суду адносна галоўнай рэдактаркі парталу Tut.by Марыны Золатавай.

4 сакавіка суд пакараў Марыну Золатаву штрафам у памеры 7650 рублёў. Таксама Золатава мусіць сплаціць судовыя выдаткі (на аплату адвакатаў БелТА) у памеры 6000 рублёў. Да набыцьця прысуду законнай сілы Марына Золатава застаецца пад падпіскай пра нявыезд.

«Я не камэнтую рашэньне суду: ёсьць суд, ён вынес абвінаваўчы прысуд. Я яго не камэнтую. Пракурор прасіў, тое, што лічыў патрэбным, а суд даў тое, што палічыў патрэбным», — сказала карэспандэнту Свабоды Ірына Акуловіч.

Акуловіч сказала, што паводле закону пазоўнік меў права патрабаваць кампэнсацыі сваіх судовых выдаткаў.

«Мы гэта зрабілі», — сказала кіраўніца БЕЛТА.

Грошы, якія атрымае БЕЛТА ў выніку суду і штрафаў, сплачаных таксама іншымі фігурантамі справы, «ня будуць скарыстаныя ў рэдакцыі», заявіла Акуловіч.

«Гэтыя сумы будуць перададзеныя на дабрачыннасьць. Мы заключылі дамову зь беларускім дзіцячым госьпісам. 58 тысяч рублёў будуць накіраваныя ў беларускі дзіцячы госьпіс. Астатняя сума таксама пойдзе на дабрачыннасьць».

БЕЛТА і газэта «СБ.Беларусь сегодня» паведамілі ўчора аб заканчэньні судовага працэсу ў рубрыках «Здарэньні» і «У рэгіёнах». У загалоўках паведамленьняў робіцца акцэнт на тым, што «суд прызнаў Золатаву вінаватай».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG