Лінкі ўнівэрсальнага доступу

Беларусь выбілася ў лідэры паставак ва Ўкраіну пораху ды іншых выбуховых рэчываў


Ілюстрацыйнае фота
Ілюстрацыйнае фота

Беларусь у 2018 годзе экспартавала ва Ўкраіну пораху і выбуховых рэчываў на 1,989 мільёна даляраў, што на 19 % перавысіла ўзровень 2017-га.

У большых аб’ёмах Украіна набывала гэтую прадукцыю толькі ў Нямеччыне (на 2,066 мільёна даляраў) і ў ЗША (на 3,239 мільёна даляраў). Пастаўкі пораху і выбуховых рэчываў з гэтых краін павялічыліся ў параўнаньні з 2017 годам адпаведна на 60% і 127,5%.

Чацьвёртае і пятае месца адпаведна ў аб’ёмах паставак гэтай прадукцыі ва Ўкраіну займаюць Чэхія (павялічыліся на 45 % да 1,150 мільёна даляраў) і Польшча (зьнізіліся на 5 % да 787,1 тысячы даляраў).

Прыкметна, што да 2014 году Ўкраіна ўвозіла гэтую прадукцыю ў мінімальных аб’ёмах — яна лічылася экспартна арыентаванай і мела запатрабаванасьць на вонкавых рынках. У асобныя пэрыяды пастаўкі пораху і выбуховых рэчываў з Украіны павялічваліся больш як у тысячу разоў.

Згодна са зьвесткамі Дзяржаўнай службы статыстыкі Ўкраіны, летась краіна працягвала набываць гэтую прадукцыю і ў Расеі, хоць аб’ёмы паставак зьнізіліся на 15 % у параўнаньні з 2017 годам, да 1,056 мільёна даляраў.

У той жа час Украіна пакуль не адмовілася ад паставак пораху і выбуховых рэчываў на вонкавы рынак. Гэтую прадукцыю (праўда, у невялікіх аб’ёмах) ва Ўкраіне набывалі эўрапейскія краіны — Баўгарыя (5,218 мільёна даляраў), Эстонія (на 714,4 тысячы даляраў), Літва (на 524 тысячы даляраў), Грузія (288,6 тысячы даляраў).

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG