Гурт афіцыйна пацьвердзіў чуткі: Кіт Флінт скончыў жыцьцё самагубствам. Прадстаўнік паліцыі заявіў, што яго сьмерць ня лічаць падазронай.
Хуткую дапамогу ў дом музыканта выклікалі раніцай 4 сакавіка. Лекары не змаглі яму дапамагчы.
Флінт, у прыватнасьці, выконваў адныя з самых вядомых песень The Prodigy — «Firestater» і «Breathe».
Флінт здабыў папулярнасьць як вакаліст Prodigy, хоць у групе ён першапачаткова быў танцорам. Першая песьня, якую запісаў Флінт ў якасьці вакаліста, была Firestarter 1996 года. Тры тыдні яна прабыла на першым месцы ў чарце UK Singles Chart.
