Былога начальніка Генэральнага штабу — галоўнакамандуючага Ўзброеных сіл Украіны Ўладзіміра Заману 25 лютага затрымалі па падазрэньні ў дзяржаўнай здрадзе.
Замана ўзначальваў Генэральны штаб зь лютага 2012 года па люты 2014 году. Сярод іншага, яму інкрымінуюць скарачэньне складу Ўзброеных сіл Украіны — у прыватнасьці колькасьці авіяцыйных вайсковых часьцей. Паводле вайсковага пракурора Анатоля Маціёса, гэта «фактычна пазбавіла супрацьпаветранай абароны» Ўкраіну.
Акрамя таго, Заману абвінавачваюць у зьнішчэньні вайсковых камісарыятаў, што, паводле вэрсіі праваахоўнікаў, заблякавала мабілізацыю ў 2014 годзе.
У Пячэрскім раённым судзе Кіева, дзе яму разглядаюць меру стрыманьня, Замана сказаў журналістам, што яго б «ніхто не чапаў», калі б не крытыка ўлады з яго боку. Ён адпрэчыў абвінавачваньні ў свой адрас.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў