Лінкі ўнівэрсальнага доступу

Курсант папрасіў у Лукашэнкі дазволу карыстацца кампутарам зь інтэрнэтам


Ілюстрацыйнае фота
Ілюстрацыйнае фота

Аляксандар Лукашэнка 22 лютага наведаў з візытам Вайсковую акадэмію ў Менску. Свабода сабрала, што важна ведаць пра візыт Лукашэнкі ў Вайсковую акадэмію.

Пра кампутары і інтэрнэт

Лукашэнка загадаў знайсьці магчымасьць больш шырокага доступу курсантаў у вайсковым ВНУ да асабістых кампутараў і інтэрнэту. Пытаньне пра гэта Лукашэнку задаў курсант, піша БелТА.

Што сказаў курсант?

Яму і яго калегам хацелася б мець свой асабісты кампутар і доступ у інтэрнэт, каб рыхтавацца да заняткаў, удасканальваць сябе як спэцыялістаў, павышаць падрыхтаванасьць. Аднак у сілу вайсковай спэцыфікі гэта не заўжды магчыма.

Што адказаў Лукашэнка?

Над гэтым трэба «сурʼёзна папрацаваць», выслухаць аргумэнты за і супраць.

«Празьмернасьцяў не павінна быць, трэба знайсьці тую форму, якая задаволіць вас, і мяжу, якую перайсьці ня можам», — сказаў Лукашэнка.

Пра NATO і Расею

Паводле Лукашэнкі, NATO на Эўрапейскім кантынэнце актывізавалася, а пашырэньне вайсковых блёкаў ускладняе сытуацыю ля беларускіх межаў. Беларусь гатовая да дыялёгу з NATO на прынцыпах парытэтнасьці і празрыстасьці.

Менск будзе абараняць свае інтарэсы, у тым ліку праз сумесную з Расеяй абаронную дактрыну. Паводле Лукашэнкі, Расея — «асноўны саюзьнік» Беларусі.

«Мы заўжды будзем разам, колькі б мы не сварыліся», — сказаў Лукашэнка.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG