У Францыі невядомыя апаганілі каля 80 магіл на габрэйскіх могілках. Гэта адбылося ў камуне Кацэнгайм на паўночным усходзе краіны. На помніках зьявіліся блакітныя свастыкі, а таксама надпісы на нямецкай мове. Пракуратура Страсбуру пачала расьсьледаваньне.
Прэзыдэнт Эманюэль Макрон пасьля інцыдэнту наведаў апаганеныя могілкі.
Сёньня ў Францыі праходзіць агульнанацыянальная акцыя супраць антысэмітызму. З гэтай ініцыятывай выступіў шэраг палітычных партый, у ліку якіх сацыялісты, рэспубліканцы і прэзыдэнцкi рух «Наперад, рэспубліка».
Увечары ў Парыжы ў рамках акцыі пройдзе мітынг. Пра свой удзел паведамілі прэм’ер-міністар Францыі Эдуар Філіп, большасьць міністраў, экс-прэзыдэнты Франсуа Алянд і Нікаля Сарказі.
Паводле дадзеных МУС Францыі, летась колькасьць антысэміцкіх актаў на тэрыторыі краіны ўзрасла больш чым на 70%.