Лінкі ўнівэрсальнага доступу

Злодзей, які выкраў карціну з Трацьцякоўскай галерэі, хацеў «хайпу»


Карціна Куінджы была знойдзеная на будоўлі ў Падмаскоўі
Карціна Куінджы была знойдзеная на будоўлі ў Падмаскоўі

Расіянін Дзяніс Чупрыкаў, затрыманы за крадзеж карціны Архіпа Куінджы «Крым. Ай-Петры» з Трацьцякоўскай галерэі ў Маскве, прызнаў віну. Пра гэта ён заявіў падчас пасяджэньня ў Масгарсудзе, выступаючы праз відэасувязь зь СІЗА, перадае РІА Новости. Ён растлумачыў, што такім чынам хацеў прыцягнуць да сябе ўвагу.

«Я цалкам прызнаю сваю віну, я проста хацеў прыцягнуць увагу да сваёй пэрсоны, хайп», — прыводзіць словы Чупрыкава ТАСС.

Карціну Куінджы скралі вечарам у нядзелю 27 студзеня. 31-гадовы Чупрыкаў вынес карціну проста з выставы, ніхто яму не перашкодзіў. Падазраванага затрымалі на наступны дзень, карціну ён вярнуў. Паводле вэрсіі сьледзтва, у яго былі саўдзельнікі, іх шукаюць.

Падазраваны Дзяніс Чупрыкаў. Фота МУС Расеі
Падазраваны Дзяніс Чупрыкаў. Фота МУС Расеі

Пасьля затрыманьня Чупрыкаў распавёў члену Грамадзкай назіральнай камісіі Масквы, што крадзяжом хацеў прыцягнуць да сябе ўвагу, у тым ліку Ўладзіміра Пуціна, і атрымаць магчымасьць расказаць прэзыдэнту аб сваёй праблеме. Карысьлівага намеру ў Чупрыкава не было, запэўніў ён, карціну ён зьбіраўся вярнуць на наступны дзень. Патлумачыць, што ў яго за праблема, ён ня змог.

29 студзеня Чупрыкава арыштавалі на два месяцы. З Трацьцякоўкі звольнілі супрацоўніцу залі, якая працавала на выставе ў момант крадзяжу. Кіраўнік Міністэрства культуры Ўладзімір Мядзінскі абвясьціў вымову дырэктару галерэі Зэльфіры Трэгулавай.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG