Лінкі ўнівэрсальнага доступу

«Справа БелТА». Судзьдзя закрые працэс Золатавай. На адзін дзень


Марына Золатава

Судзьдзя пастанавіў правесьці адно закрытае паседжаньне, дзе будуць разглядаць прыватную перапіску.

Яно адбудзецца ў панядзелак 18 лютага.

У пятніцу 15 лютага на працэсе па справе Марыны Золатавай працягнуўся допыт сьведак.

У залю былі выкліканыя рэдактары партала Tut.by Ганна Калтыгіна, Ганна Рудэнка і Галіна Уласік.

Пасьля допыту кожнай зь іх пракурор падавала хадайніцтва аб абвяшчэньні матэрыялаў папярэдняга сьледзтва, дзяржаўны абвінаваўца тлумачыла гэта разыходжаньнямі.

Як стала вядома падчас агучваньня гэтых матэрыялаў, у справе ёсьць тэкст прыватнай перапіскі паміж рэдактарамі партала Tut.by. Паводле сьледзтва, яны былі атрыманыя пасьля вывучэньня канфіскаваных у рэдактараў Tut.by носьбітаў інфармацыі і тэлефонаў.

Усе сьведкі, а таксама абвінавачаная Марына Золатава папрасілі суд агучваць матэрыялы прыватнай перапіскі ў закрытым рэжыме. Судзьдзя вызначыў для гэтага асобны дзень — панядзелак 18 лютага, пасьля 14.15.

Прысутнічаць на гэтым паседжаньні дазволяць толькі ўдзельнікам працэсу — абвінавачанай Марыне Золатавай, яе адвакату, пракурору, судзьдзі, сакратару суда, а таксама адвакатам агенцтва БелТА і юрысту газэты «Беларусь сегодня».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG