Лінкі ўнівэрсальнага доступу

Трамп: Паўночная Карэя стане «эканамічнай ракетай»


Дональд Трамп

Прэзыдэнт ЗША пацьвердзіў, што яго другая сустрэча з Кім Чэн Ынам адбудзецца ў канцы лютага.

Прэзыдэнт ЗША Дональд Трамп напісаў у «Твітэры»:

«Паўночная Карэя пад кіраўніцтвам Кім Чэн Ына стане вялікім Эканамічным Лякаматывам. Ён можа зьдзівіць некаторых, але ён не зьдзівіць мяне, таму што я ведаю яго і цалкам разумею, наколькі ён здольны. Паўночная Карэя стане іншай ракетай — эканамічнай!».

Трамп таксама пацьвердзіў, што яго сустрэча з Кім Чэн Ынам адбудзецца 27 і 28 лютага ў сталіцы Віетнама — Ханоі, і што яго прадстаўнікі правялі ў Паўночнай Карэі «вельмі прадуктыўную сустрэчу». Ён дадаў, што чакае сустрэчы з Кім Чэн Ынам у імя міру.

У афіцыйнай заяве Дзярждэпартамэнта ЗША ад 8 лютага 2019 года гаворыцца, што спэцыяльны прадстаўнік ЗША ў Паўночнай Карэі правёў трохдзённыя перамовы ў Пхеньяне па падрыхтоўцы саміту ў Ханоі. Дзярждэпартамэнт не паведаміў пра які-небудзь прагрэс, дасягнуты на гэтых сустрэчах.

Як адзначае агенцтва Reuters, бакі ўсё яшчэ далёкія ад збліжэньня пазыцый па пытаньні адмовы Паўночнай Карэі ад ядзернай праграмы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG