Лінкі ўнівэрсальнага доступу

У Менску знайшлі цела немаўляці зь пятлёй на шыі


Ілюстрацыйнае фота
Ілюстрацыйнае фота

У менскім мікрараёне Серабранка 8 лютага быў знойдзены труп немаўляці зь пятлёй на шыі. Заведзеная крымінальная справа.

Затрымалі маці і бацьку дзіцяці, а таксама яшчэ 3 чалавек. Усе яны знаходзяцца ў статусе падазраваных. Напярэдадні яны сумесна расьпівалі сьпіртныя напоі ў кватэры, дзе дзіця жыло з бацькамі, піша Сьледчы камітэт.

Паводле інфармацыі менскіх праваахоўнікаў, у 11.20 раніцы міліцыі паведамілі, што каля аднаго з дамоў па праспэкце Ракасоўскага знойдзена цела немаўляці зь пятлёй на шыі. Дзіцяці на выгляд два месяцы.

На месцы працуе сьледча-апэратыўная група, высьвятляюцца абставіны здарэньня.

Па факце здарэньня заведзеная крымінальная справа па ч. 2. арт. 139 Крымінальнага кодэксу Беларусі (забойства), паведаміла прэс-служба Сьледчага камітэту. Забойцу можа пагражаць сьмяротнае пакараньне (калі гэта мужчына).

Раней 8 лютага Сьледчы камітэт таксама паведаміў, што ў Баранавічах затрыманыя мужчына і жанчына, якіх падазраюць у забойстве нованароджанага, цела якога 10 чэрвеня 2015 году ў сьмецьцевым кантэйнэры выявіла рабочая Баранавіцкага ЖКГ.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG