Лінкі ўнівэрсальнага доступу

Сацыёлягі з Адміністрацыі прэзыдэнта: беларускую мову лічаць роднай 48% беларусаў, расейскую — 43%


Ілюстратыўнае фота

Інфармацыйна-аналітычны цэнтар пры Адміністрацыі прэзыдэнта апублікаваў вынікі сацыялягічнага дасьледаваньня за 2017–​2018 гады. У ім рэспандэнтаў пыталіся і пра родную мову.

«Якую мову вы лічыце роднай?», — з такім пытаньнем супрацоўнікі ІАЦ зьвярнуліся да беларусаў. Беларускую мову роднай назвалі 48% апытаных, расейскую — 43%, вынікае з апублікаванага даследаваньня (PDF).

Паводле апытаньня, большасьць сельскага насельніцтва роднай лічыць беларускую мову, такіх 66%.

Сярод моладзі ў Беларусі беларускую мову як родную называюць 43% апытаных, расейскую — 41,5%.

У аналягічным дасьледаваньні ІАЦ за 2008 год роднай беларускую мову называлі 51% апытаных, расейскую — 35%.

Падчас перапісу насельніцтва ў 2009 годзе беларускую мову назвалі роднай 60% беларусаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG