Лінкі ўнівэрсальнага доступу

Нацбанк будзе павялічваць давер да беларускага рубля


Павел Калаўр

Нацыянальны банк пачаў распрацоўваць стратэгію павелічэньня даверу да беларускага рубля, піша Tut.by са спасылкай на кіраўніка Нацбанку Паўла Калаўра. Гаворка ідзе пра павелічэньне долі нацыянальнай валюты ў разьліках і ў балянсах камэрцыйных банкаў.

Што сказаў кіраўнік Нацбанку?

«У краіне мусіць быць прынятая стратэгія павышэньня даверу да нацыянальнай валюты. Мы мусім даць правільныя сыгналы грамадзкасьці: што мы будзем рабіць, у якой пасьлядоўнасьці і якіх вынікаў чакаем».

Крытэры, якія будуць зафіксаваны ў стратэгіі, пакуль ня вызначылі. Вядома, што абʼём крэдытаў у рублях будзе складаць ня менш 50%.

Інфляцыйныя чаканьні будуць зьніжаць. У першай палове Павел Калаўр чакае інфляцыю на ўзроўні мінулага году — 5,6% зь нязначнымі адхіленьнямі.

У 2018 годзе цэны на спажывецкія тавары павялічыліся на 5,6%. Цэны на паслугі — на 8,1%. Інфляцыя на не спажывецкія тавары склала 3,8%.​

Летась Міністэрства працы не індэксавала месячныя заробкі беларусаў, калі інфляцыя не перавышала 5%.

Паводле ўказу Аляксандра Лукашэнкі і прагнозаў Нацбанку, інфляцыя ў 2019 годзе мусіць скласьці ня больш 5%.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG