Лінкі ўнівэрсальнага доступу

У 2018 годзе Расея прызвала ў сваё войска звыш 5600 украінцаў з Крыму


Прарасейскія вайскоўцы каля ўкраінскай базы ў Перавальным, Крым, 2014 год

Крымскататарскі рэсурсны цэнтар вызначыў, што Расейская Фэдэрацыя толькі ў 2018 годзе прызвала ў сваё войска больш за 5600 украінцаў з паўвострава Крым, а з моманту пачатку акупацыі — звыш 12 тысяч крымчан, паведамляе «Голас Амэрыкі».

«Злучаныя Штаты заклікаюць Расею спыніць гэтую непрымальную практыку», — піша ў звароце Каміян.

Пра гэта гаворыцца ў звароце часова паверанага ў справах ЗША пры АБСЭ Гары Каміяна да Пастаяннай рады арганізацыі. У дакумэнце пазначана, што Злучаныя Штаты занепакоеныя гуманітарнай сытуацыяй у акупаваным Расеяй Крыме.

«Мы таксама занепакоеныя паведамленьнямі пра тое, што расейская акупацыйная ўлада карыстаецца новай падставай для запалохваньня і арышту чальцоў крымскататарскай грамады, сьцьвярджаючы, што яны нібыта служаць ва ўкраінскіх добраахвотніцкіх батальёнах і выступаюць «супраць інтарэсаў Расейскай Фэдэрацыі», — падкрэсьліў чыноўнік.

Так званая ўлада анэксаванага Крыму 25 студзеня асудзіла крымскага татарына Фэўзі Саганджы да 10,5 гадоў зьняволеньня, паводле вэрсіі расейскага боку, за ўдзел у незаконным узброеным фармаваньні «Батальён імя Чэлебіджыхана». Таксама паліцыя правяла на паўвостраве рэйды дамоў крымскіх татараў 23 і 24 студзеня пад той самай маркай.

ЗША заклікалі Расею даць усе магчымасьці для працы Спэцыяльный маніторынгавай місіі на тэрыторыі Крыму.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG