Лінкі ўнівэрсальнага доступу

Брытанскія дзеячы культуры заклікалі перанесьці «Эўравізію» з Ізраіля


Сьпявачка Нэта ў фінале "Эўравізіі", Лісабон, 12 траўня 2018 года

Больш за 50 брытанскіх дзеячаў культуры заклікалі перанесьці музычны конкурс «Эўравізія-2019» з Ізраіля ў іншую краіну праз «сыстэматычнае парушэньне правоў палестынцаў».

Адпаведны ліст у адрас тэлекампаніі Бі-бі-сі, якая займаецца праслухоўваньнем канкурсантаў і відэатрансьляцыяй мерапрыемства ў Вялікабрытаніі, публікуе газэта The Guardian.

Нягледзячы на тое, што месцам правядзеньня мерапрыемства абраны Тэль-Авіў, а не Ерусалім, гэта не абараняе палестынцаў ад высяленьня, расстрэлаў і зьбіваньняў з боку ізраільскіх спэцслужбаў, адзначаюць аўтары ліста.

Сярод тых, хто падпісаў зварот да Бі-бі-сі — мадэльер Віўен Уэствуд, музыканты Нік Сэймур, Роджэр Уотэрз і Пітэр Габрыэль, актрыса Мірыям Маргуліс.

Бі-бі-сі ў адказ заявіла пра недарэчнасьць выкарыстаньня тэлеканала для вырашэньня палітычных пытаньняў.

Штогадовы конкурс «Эўравізія-2019» адбудзецца ў траўні ў Тэль-Авіве, пасьля перамогі ў конкурсе ў 2018 годзе ізраільскай сьпявачкі Нэты. Згодна з правіламі, месцам правядзеньня конкурсу зьяўляецца сталіца краіны, чый прадстаўнік выйграў конкурс у папярэднім годзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG