Увечары 26 студзеня жыхарка Маладэчна паведаміла міліцыі, што задушыла свайго сына, піша Сьледчы камітэт.
Супрацоўнікі міліцыі пацьвердзілі крымінальныя прыкметы сьмерці дзіцяці. Дакладная прычына сьмерці будзе вядома пасьля судова-мэдычнай экспэртызы.
29-гадовую маці хлопчыка затрымалі. Праз прыкметы псыхічнага расстройства жанчыну шпіталізавалі, у мэдычнай установе выставілі пост аховы.
Сьледчы камітэт завёў супраць жанчыны крымінальную справу. Паводле арт. 139.2.2 КК жанчыне можа пагражаць:
- ад 8 да 20 гадоў турмы;
- пажыцьцёвае зьняволеньне.
Жанчына выхоўвала дзіця адна, жыла ў кватэры з родзічамі. Асуджаных у сямʼі не было, «на ўліках» не стаялі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў