Лінкі ўнівэрсальнага доступу

Суд у Кіеве прызнаў даказанай віну Віктара Януковіча ў дзяржаўнай здрадзе


Віктар Януковіч

Абалонскі суд Кіева ў чацьвер прызнаў, што віна былога прэзыдэнта Украіны Віктара Януковіча ў дзяржаўнай здрадзе і дапамозе ў падпарадкаваньні агрэсіынай вайны даказаная.

Трансьляцыю вядзе Ўкраінская служба Радыё Свабода. Януковіча таксама абвінавачваюць у дапамозе ў парушэньні тэрытарыяльнай цэласнасьці краіны.

  • Адным з галоўных доказаў па справе зьяўляецца зварот былога прэзыдэнта да расейскіх уладаў з просьбай аб уводзе войскаў ва Ўкраіну.​

Сам Віктар Януковіч у пасяджэньні суда не ўдзельнічае. Яго адвакат сьцьвярджае, былы прэзыдэнт перанёс апэрацыю і знаходзіцца на рэабілітацыі, перадае тэлеканал 112.ua.

  • Па дадзеных украінскіх СМІ, за ўвесь час працэсу Януковіч атрымаў ня менш за 70 судовых позваў.

У лістападзе адвакаты былога прэзыдэнта Ўкраіны паведамілі, што ён шпіталізаваны з траўмай і ня зможа прымаць удзел у судовых пасяджэньнях нават па відэасувязі. Суд у Кіеве тады дазволіў Януковічу выступіць з апошнім словам з бальнічнага ложку 5 сьнежня, але былы кіраўнік дзяржавы гэтага не зрабіў.

  • Віктар Януковіч лічыць справу аб дзяржздрадзе сфабрыкаванай, палітычнай і не прызнае віны.
  • Абвінавачваньне патрабуе прысудзіць Януковіча да 15 гадоў пазбаўленьня волі.
  • У 2014 годзе Януковіч пры падтрымцы расейскіх вайскоўцаў зьбег у Расею, дзе атрымаў часовы прытулак.​

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG