Ужо 76 чалавек сталі ахвярамі выбуху і пажару на трубаправодзе з палівам у штаце Ідальга.
Пра гэта паведаміла ТАСС са спасылкай на газэту El Universal.
Раней паведамлялася, што ў выніку выбуху загінулі 66 чалавек і 76 былі параненыя.
Інцыдэнт адбыўся ў ноч на 19 студзеня прыкладна ў 100 кілямэтрах на поўнач ад Мэхіка.
Па заяве дзяржаўнай кампаніі Pemex, якой належыць трубаправод, катастрофа адбылася з-за нелегальнай урэзкі ў трубу.
Прадстаўнікі кампаніі адсачылі ўрэзку, на месца былі адпраўленыя вайскоўцы. Аднак яны не сталі ўмешвацца ў выкраданьне паліва, каб пазьбегнуць праблем, — распавёў каналу «Тэлевіса» міністар бясьпекі краіны Альфонса Дураса.
Выбух адбыўся ў момант, калі там знаходзілася мноства людзей, якія зьбіралі паліва ў кантэйнэры.
У сувязі з трагедыяй у краіне пачала працу Нацыянальная камісія па надзвычайных сытуацыях.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў