Лінкі ўнівэрсальнага доступу

Big Mac перастаў належаць толькі сетцы McDonald’s


Эўразьвяз пазбавіў сетку рэстаранаў хуткага харчаваньня McDonald’s эксклюзіўнага права на гандлёвую марку Big Mac. Цяпер іншыя кампаніі могуць прадаваць тавары (у тым ліку і бургеры) з такой назвай на тэрыторыі Эўразьвязу.

Пра гэта паведамляе агенцтва Reuters са спасылкай на рашэньне Бюро інтэлектуальнай уласнасьці Эўразьвязу.

Згодна з рашэньнем, амэрыканская сетка не падала доказаў выкарыстаньня маркі Big Mac на тэрыторыі ЭЗ на працягу пяці гадоў да 2017 году, калі пачалася афіцыйная спрэчка McDonald’s з ірляндзкай сеткай хуткага харчаваньня Supermac’s. Юрысты амэрыканскай кампаніі заяўлялі, што спажыўцы будуць блытаць слова Supermac з Big Mac’ам. Пасьля рашэньня рэгулятара Supermac’s змогуць адкрыць свае рэстараны ў Вялікабрытаніі.

Big Mac, прыдуманы ў ЗША ў 1967 годзе, належыць да найбольш характэрных прадуктаў сеткі McDonald’s. Big Mac складаецца з булачкі, разрэзанай на тры часткі, дзьвюх катлет зь ялавічыны вагою прыблізна 50 грамаў кожная, аднаго маленькага кавалачка сыру, двух кавалачкаў марынаванага агурка, цыбулі, салаты і падліўкі Big Mac.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG