Лінкі ўнівэрсальнага доступу

Парлямэнт Вэнэсуэлы абвясьціў Нікаляса Мадура ўзурпатарам


Нікаляс Мадура

Парлямэнт Вэнэсуэлы абвясьціў прэзыдэнта краіны Нікаляса Мадура ўзурпатарам. Нацыянальная асамблея, большасьць у якой належыць апазыцыі, лічыць несапраўднымі ўсе рашэньні, якія прымае кіраўнік дзяржавы.

Нікаляс Мадура ў чарговы раз уступіў на пасаду прэзыдэнта Вэнэсуэлы 10 студзеня. Цяперашні прэзыдэнцкі тэрмін працягнецца да 2025 года. У аўторак амэрыканскі тэлеканал CNN паведаміў, што ЗША разглядаюць магчымасьць прызнаньня кіраўніка апазыцыйнага парлямэнту Вэнэсуэлы Хуана Гуайдо легітымным прэзыдэнтам краіны замест Нікаляса Мадура.

Крыніцы тэлеканала таксама распавялі, што ў Вашынгтоне не выключаюць узмацненьня санкцый супраць Каракаса. У прыватнасьці не выключаецца ўвядзеньне поўнага эмбарга на вэнэсуэльскую нафту.

Мадура займае пасаду прэзыдэнта Вэнэсуэлы з 2013 года. Тады ён выйграў выбары, якія прайшлі пасьля сьмерці былога лідэра краіны Уга Чавэса. Цяперашні прэзыдэнт выступае за працяг эканамічнай палітыкі свайго папярэдніка, якую той называў «баліварыянскім сацыялізмам».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG