Лідэры рэспубліканцаў у Палаце прадстаўнікоў вывелі кангрэсмэна Стыва Кінга са складаў камітэтаў па сельскай гаспадарцы, малым бізнэсе і юрыдычнага камітэта ў сувязі зь яго выказваньнямі, якія маюць расавы падтэкст.
Кінг наклікаў на сябе крытыку пасьля інтэрвію New York Times, апублікаванага на мінулым тыдні, у якім ён заявіў: «Белы нацыяналіст, прыхільнік перавагі белай расы, заходняя цывілізацыя... Якім чынам гэтыя паняцьці сталі абразьлівымі?»
Кінг працуе ў палаце дзевяты тэрмін, прадстаўляючы штат Аёва. Рашэньне аб пазбаўленьні яго пасадаў было прынятае прадстаўнікамі абедзьвюх партый.
Лідэр рэспубліканскай меншасьці ў Палаце прадстаўнікоў Кэвін Макарці рашуча асудзіў Кінга, заявіўшы, што «у рэспубліканскай партыі, Кангрэсе і краіне няма месца ідэалёгіі расавай перавагі любога роду».
Лідэр рэспубліканскай большасьці ў Сэнаце Мітч Маконэл далучыўся да крытыкі аднапартыйцаў у адрас Кінга.
Самае папулярнае
1