Лінкі ўнівэрсальнага доступу

Прэзыдэнт Армэніі прызначыў Пашыньяна прэм’ер-міністрам


Нікол Пашыньян

Прэзыдэнт Армэніі Армэн Саргсьян падпісаў указ аб прызначэньні Нікола Пашыньяна прэмʼер-міністрам краіны. Адпаведны дакумэнт апублікавалі на сайце прэзыдэнта.

Пашыньян стаў прэмʼерам Армэніі ў траўні гэтага года пасьля масавых акцый пратэсту. Дэманстрацыі былі выкліканыя незадаволенасьцю праўленьнем Сэржа Саргсьяна і яго партыі, а таксама тым, што Саргсьян, які два тэрміны быў прэзыдэнтам, паспрабаваў застацца ва ўладзе на трэці тэрмін, стаўшы прэмʼерам.


У сярэдзіне кастрычніка Пашыньян падаў у адстаўку, а ў пачатку лістапада прэзыдэнт Армэніі распусьціў парлямэнт і падпісаў указ аб пазачарговых выбарах. Пакуль Пашыньян узначальваў урад, ён пасьпеў замяніць усіх губэрнатараў у краіне, пачаў антыкарупцыйную кампанію і дамогся павелічэньня падатковых паступленьняў.

9 сьнежня мінулага года ў краіне прайшлі пазачарговыя парлямэнцкія выбары. Перамогу на іх атрымаў блок Пашыньяна «Мой крок», які набраў 70,43% галасоў. Былая кіруючая Рэспубліканская партыя Армэніі экс-прэзыдэнта Сэржа Саргсьяна ў парлямэнт не прайшла — яна не змагла пераадолець барʼер у 5%, атрымаўшы толькі 4,7% галасоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG