Прадстаўнікі апазыцыйных «Сырыйскіх дэмакратычных сіл» заявілі аб затрыманьні на поўначы Сырыі чатырох падазраваных у тэрарызьме, двое зь іх — грамадзяне Расеі.
Называюцца іхнія імёны — Усмат Атаеў і Махамэд Джавад Хан. Да якой менавіта групоўкі яны належаць, пакуль не ўдакладняецца. Вядома толькі, што затрымаць іх удалося дзякуючы «доўгаму і дакладнаму адсочваньню» іхніх дзеяньняў.
Расейцаў падазраюць у зьдзяйсьненьні тэрактаў у горадзе Эр-Рака і арганізацыі ў рэгіёне тэрарыстычных ячэек.
Афіцыйных камэнтароў ад МЗС Расеі пакуль не паступала.
«Сырыйскія дэмакратычныя сілы» пры падтрымцы ЗША вядуць барацьбу з тэрарыстычнай групоўкай «Ісламская дзяржава». Расейскія ўлады не адмаўлялі, што ў складзе гэтай групоўкі ў Сырыі знаходзіліся некалькі тысяч грамадзян Расеі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў