12 студзеня ў Гарадоцкім раёне таварны цягнік сьмяротна траўмаваў 21-гадовага жыхара Віцебска.
Пра гэта паведамляе ўпраўленьне ўнутраных справаў Віцебскага аблвыканкаму. Грузавы цягнік, рухаўся па маршруце ў Расею. У раёне станцыі Грыбачы Гарадоцкага раёна цягнік зьбіў чалавека.
Як высьветлілі сьледчыя, хлопец 1997 нараджэньня прыехаў з Віцебска на станцыю Грыбачы адкуль пешшу накіраваўся ў сваю вёску за некалькі кілямэтраў. Ён ішоў па сьцежцы ўздоўж чыгуначных шляхоў, калі яго пабачыў машыніст і пачаў яму сыгналіць. Машыніст выкарыстаў экстранае тармажэньне, але гэта не выратавала хлопца ад гібелі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў