Лінкі ўнівэрсальнага доступу

Францыя абвінаваціла Расею і Італію ў падтрымцы руху «жоўтых камізэлек»


Пратэсты руху «жоўтых камізэлек» у Парыжы, 1 сьнежня 2018 году
Пратэсты руху «жоўтых камізэлек» у Парыжы, 1 сьнежня 2018 году

Францускі ўрад паведаміў аб тым, што рух «жоўтых камізэлек» атрымлівае падтрымку з-за мяжы. Пра гэта заявіў у сераду, 9 студзеня, у Парыжы прэс-сакратар кабінэта міністраў Бэньямін Грыву, паведамляе Deutsche Welle.

Паводле яго, некаторыя дэманстранты, якія праяўляюць гвалт, адносяцца да лягеру ультралевых, іншыя — да лягеру ўльтраправых. «Толькі з таго, што нехта апрануў жоўтую камізэльку, не вынікае, што ён падзяляе тыя ж ідэі», — падкрэсьліў Грыву.

Прэс-сакратар ураду, у прыватнасьці, крытычна выказаўся з нагоды асьвятленьня дэманстрацый расейскім тэлеканалам RT. «Вядома і ўхваленьне (пратэстаў. — РС) некаторымі інструмэнтамі прапаганды, якія я не хачу называць СМІ, такімі, як Russia Today», — сказаў ён, зазначыўшы, што для некаторых дэманстрантаў гэта, наадварот, «адзіныя свабодныя мэдыя».

Падтрымка «жоўтых камізэлек» у Італіі

Акрамя таго, Грыву зьвярнуў увагу на тое, што некаторыя чальцы ўраду Італіі адкрыта выказалі маральную падтрымку пратэстоўцам. 7 студзеня сябра правапапулісцкага руху «5 зорак», які ўваходзіць у кіроўную кааліцыю Італіі, Люіджы ды Маё выказаў салідарнасьць з дэманстрантамі ў жоўтых камізэльках. Іх партнэр ва ўрадзе — правая партыя «Ліга», чальцом якой зьяўляецца кіраўнік МУС Італіі Матэа Сальвіні, — асудзіла праявы гвалту, аднак у цэлым падтрымала пратэсты.

Выступленьні руху «жоўтых камізэлек», распачатага як пратэст супраць падвышэньня тарыфаў на паліва, перарасьлі ў масавыя беспарадкі. Нягледзячы на тое, што ўлады пайшлі на саступкі мітынгоўцам, дэманстрацыі не спыніліся і прадоўжыліся ўжо ў якасьці нязгоды з агульнай палітыкай Эманюэля Макрона. Кіраўніцтва краіны заявіла, што пратэст «апанавалі» радыкальныя актывісты правага і левага кірунку.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG