Лінкі ўнівэрсальнага доступу

«Залаты глёбус» за найлепшы фільм атрымала «Багемная рапсодыя»


Bohemian Rhapsody, Queen

Фільм «Багемная рапсодыя» паднёс галоўны сюрпрыз на цырымоніі ўручэньня прэміі «Залаты глёбус». Ён атрымаў два прызы — за найлепшую кінакарціну і найлепшую мужчынскую драматычную ролю (актор Рамі Малек, які сыграў вакаліста гурту Queen Фрэдзі Мэрк’юры)​.

Гэты біяграфічны фільм прысьвечаны гурту Queen, ён перамог нягледзячы на супярэчлівыя водгукі крытыкаў пасьля прэмʼеры і праблемы падчас здымак.

Першы рэжысэр фільму Браян Сынгер быў звольнены падчас здымкаў пасьля канфліктаў з выканаўцам галоўнай ролі Рамі Малекам.

Завяршаць праект быў запрошаны ангельскі рэжысэр, сцэнарыст і актор Дэкстэр Флэтчэр, вядомы гледачу па фільме «Карты, грошы, два ствалы».

Фільм «Багемная рапсодыя» у выніку абышоў карціну «Зорка нарадзілася» (Брэдлі Купэр), якая лічылася фаварытам, а таксама хіт касавых збораў летась «Чорная пантэра» і кінакарціны «Калі Біл-стрыт магла б загаварыць» і «Чорны кланавец».

Цырымонія ўручэньня ўзнагародаў прайшла ўвечары ў нядзелю ў Лос-Анджэлесе, перадае ВВС.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG