Лінкі ўнівэрсальнага доступу

У Нямеччыне мужчына наўмысна наехаў на групу людзей, пацярпелі чатыры чалавекі


Ілюстрацыйнае фота
Ілюстрацыйнае фота

На захадзе Нямеччыны 50-гадовы мужчына наўмысна наехаў на групу людзей, пацярпелі як мінімум чатыры чалавекі. Як паведаміла ў аўторак мясцовая паліцыя, інцыдэнт адбыўся ў навагоднюю ноч.

Удакладняецца, што кіроўца некалькі разоў паспрабаваў на сваім аўтамабілі наехаць на мінакоў у розных месцах — спачатку ў горадзе Ботрап, затым у Эсэне (абодва — фэдэральная зямля Паўночны Рэйн — Вэстфалія). У Ботрапе ён накіраваў машыну спачатку на выпадковага мінака, затым наехаў на групу мігрантаў з Сырыі і Афганістану. «Пацярпелі як мінімум чатыры чалавекі», — адзначылі ў паліцыі.

Пасля мужчына паехаў у Эсэн, дзе накіраваў сваю машыну на людзей, што стаялі на аўтобусным прыпынку. «Усё было падобна да паляваньня на людзей », - паведамілі ў праваахоўных органах.

Нападнік затрыманы. У паліцыі сыходзяць з таго, што матывам яго дзеяньняў была ксэнафобія, бо падчас затрыманьня зь яго боку прагучалі выказваньні адпаведнага характару.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG