Лінкі ўнівэрсальнага доступу

Захаваць сувязь зь беларускай зямлёй: Літара Ў ратуе Каляды і Новы год 


Помнік літары Ў у Полацку

30 снежня а 18 гадзіне маленькія і дарослыя гледачы зноў пабачаць прыгоды літары Ў і яе сяброў на сцэне менскага Моладзевага тэатру эстрады.

Пра што новая казка, ці будзе яна адрознівацца ад леташняй?

«Так, будзе адрозьнівацца, і вельмі істотна, — расказваюць стваральнікі цыклю казак аб прыгодах літары Ў Раман Арлоў і Кацярына Поцюс. — Яська і Янінка будуць, як і летась, зьбіраць у Чароўным Бары літары са слова НАДЫШОЎ. Але гэтым разам ім замінае ня толькі Зюзя, але і багіня зімы Марана. Ярыла не дапаможа — ён да Вясны паляцеў у Сьветлы Вырай. Уся надзея на „Ў нескладовае“ і, вядома ж, на саміх дзяцей — Яську і Янінку. Яны наша будучыня, іх сувязь зь Беларускай Зямлёй яшчэ не перарваная, як у многіх іншых беларусаў».

Калі чароўныя літары са слова НАДЫШОЎ ня будуць сабраныя, Каляды і Новы год не настануць, а зіма будзе бясконцай.

Афіша дзіцячай казкі пра літару Ў
Афіша дзіцячай казкі пра літару Ў

Паводле арганізатараў, гледачоў чакае сюрпрыз: у якасьці каляднага падарунку можна будзе набыць кампакт-дыск з цыклю казак аб прыгодах літары Ў — зімовай, веснавой і восеньскай.

Квіткі на навагоднюю казку каштуюць ад 9,5 да 17 рублёў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG