На поўначы анэксаванага Расеяй Крыму завершана будаўніцтва загародаў на мяжы з Украінай. Пра гэта «РИА Новости» паведамілі ў прэс-службе крымскага памежнага ўпраўленьня ФСБ.
Сыстэма загародаў працягласьцю больш за 60 кілямэтраў абсталяваная некалькімі сотнямі сыгналізацыйных датчыкаў і відэакамэрамі начнога назіраньня.
У ФСБ Расеі будаўніцтва загародаў патлумачылі «магчымымі спробамі прарыву дывэрсійна-выведных групаў з боку сумежнай дзяржавы». Акрамя гэтага, яны павінны спыніць незаконныя пастаўкі зброі і боепрыпасаў, кантрабанду тытуню, алькаголю і наркотыкаў, а таксама незаконнае перасячэньне мяжы ўкраінцамі «з гаспадарча-бытавымі мэтамі».
Распрацоўка праекту пачалася яшчэ ў 2015 годзе. Першапачаткова плянавалася, што сыстэма загародаў будзе ўведзеная ў эксплюатацыю улетку 2018 году. Яе будаўніцтва абышлося бюджэту Расеі ў 204 мільёны расейскіх рублёў (амаль 3 мільёны даляраў).
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў