Лінкі ўнівэрсальнага доступу

Пра «Арт Сядзібу» зьнялі дакументальны фільм. ВІДЭА


У сьнежні «Арт Сядзібе» споўнілася 7 гадоў. Да народзінаў арганізацыі Аляксей Сапрыкін, Алесь Сьнег і Арцём Петрашкевіч зьнялі дакумэнтальны фільм «7 год культурніцкіх турбот».

Рэжысэр фільму і сябра «Арт Сядзібы» Аляксей Сапрыкін распавёў Свабодзе, што ідэя здымаць кіно зьявілася пару месяцаў таму.

Аляксей Сапрыкін
Аляксей Сапрыкін

«У нас заўжды робіцца так: прыйшла ідэя — зрабілі, выпусьцілі. Здымалі фільм тры тыдні і яшчэ два тыдні рабілі колеравую карэкцыю. Падчас здымкаў нам вельмі дапамагалі валянтэры. Мы хацелі зьвязаць усе чатыры пакаленьні „Арт-Сядзібы“ і паказаць, як простая ідэя можа ператварыцца ў культурніцкую зьяву», — кажа Аляксей Сапрыкін.

Героі фільма — Зьміцер Вайцюшкевіч, Андрэй Курэйчык, Яўген Змушка, Алесь Лютыч, Алесь-Францішак Мышкевіч і іншыя распавядаюць, што для іх «Арт Сядзіба». У фільме здымаюцца і заснавальнікі арганізацыі: Павал Белавус, Франак Вячорка, Зьміцер Афанасенка, Пётар Клюеў.

Цяпер «Арт Сядзіба» сфакусаваная на праекце «Беларускамоўныя» і #БНР101.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG