Лінкі ўнівэрсальнага доступу

Узгадненьне беларускага кандыдата на пасаду генэральнага сакратара АДКБ не завершана 


Станіслаў Зась

У сувязі з супярэчлівымі паведамленьнямі ў СМІ прэс-сакратар Арганізацыі дамовы аб калектыўнай бясьпецы Ўладзімір Зайнэтдзінаў пракамэнтаваў працэдуру прызначэньня новага кандыдата на пасаду генэральнага сакратара АДКБ.

Як нагадвае «Інтэрфакс», сёлета ў ліпені ерэванскі суд першай інстанцыі прыняў рашэньне арыштаваць тагачаснага генэральнага сакратара АДКБ Юрыя Хачатурава за спробу дзяржаўнага перавароту ў Армэніі ў 2008 годзе. У выніку генэрала адпусьцілі пад грашовы задатак, але сваёй пасады ён пазбавіўся.

Уладзімір Зайнэтдзінаў патлумачыў, што працэдура ўзгадненьня прадстаўніка ад Беларусі Станіслава Зася была арганізаваная праз яго асабістыя сустрэчы з кожным кіраўніком дзяржавы-чальца АДКБ.

«Ад 12 да 20 сьнежня такія сустрэчы адбыліся з прэзыдэнтамі Кіргізстану, Казахстану, Таджыкістану, Беларусі і Расеі, на якіх кандыдатура Станіслава Зася была падтрыманая. Сустрэча з выканаўцам абавязкаў прэм’ер-міністра Армэніі перанесена на больш позьні тэрмін», — адзначыў Уладзімір Зайнэтдзінаў.

На гэты момант працэдура ўзгадненьня аб прызначэньні Станіслава Зася генэральным сакратаром АДКБ працягваецца. У Ерэване настойваюць, што да 2020 году кіравацць арганізацыяй мусіць прадстаўнік Армэніі. Плюс да ўсяго там не задаволеныя, што Беларусь пастаўляе сучасную зброю Азэрбайджану, які мае тэрытарыяльныя прэтэнзіі да Нагорнага Карабаху.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG