Лінкі ўнівэрсальнага доступу

Польская мастачка стварыла цыкль карцін пра менскі ГУМ


Ля менскага ГУМу. Ілюстрацыйнае фота

На Гданьскім біенале на выставе сучаснай польскай мастачкі Паўліны Алоўскай «Белавія» прадстаўлены яе дакумэнтальны цыкль карцінаў пра Беларусь.

Ад 2016 Алоўская шмат разоў прыяжджала ў Менск, каб фатаграфаваць і пісаць яго. Мастачка ўспрымае Менск як горад, «культурна замарожаны ў часе», які выклікае ў яе ўспаміны пра час сталеньня ў камуністычнай Польшчы, піша сайт magazynszum.pl.

Працы на выставе дасьледуюць архітэктуру, стыль і традыцыі краіны, якая, паводле Арлоўскай, выглядае як «схаваная сацыялістычная ўтопія».

Большасьць сцэнаў з цыклю «Унівэрмаг» была напісаная ў Менскім ГУМе. Алоўская, натхнёная раманам Эміля Заля «Дамскае шчасьце», які распавядае пра сілу Дома моды ў Парыжы канца ХІХ стагодзьдзя, употай здымала прадаўцоў і кліентаў у ГУМе. «У адрозьненьне ад кнігі Заля — сымбалю капіталізму і росквіту сучаснага гораду, ГУМ нагадвае капсулу часу халоднай вайны, там даступныя толькі тавары беларускай вытворчасьці, няма ніякіх сьлядоў заходніх брэндаў, даступных па ўсім сьвеце», — піша magazynszum.pl.

Паглядзець карціны мастачкі пра Беларусь можна ТУТ.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG