У цэнтры Вены насупраць рэстарацыі Figlmüller адбылася страляніна, у выніку прынамсі адзін чалавек загінуў і адзін паранены.
Пра гэта паведамляе выданьне Kurier.
Каля 13.30 невядомыя адкрылі агонь на вуліцы, непадалёк ад галоўнага катэдралу сьвятога Стэфана. Паведамляецца пра пяць стрэлаў.
Паводле папярэдніх дадзеных, у выніку страляніны загінуў адзін чалавек, яшчэ адзін атрымаў раненьні. Абодва былі параненыя стрэламі ў галаву.
Ідзе пошук падазраваных. Паліцыя кажа пра «сплянаваны крымінальны чын» і вэрсію тэрарызму не разглядае, паведамляе Reuters. Паводле сьведчаньня супрацоўніка рэстарацыі, пацярпелыя гаварылі на славянскай мове.
Над раёнам, дзе адбылася страляніна, кружляе верталёт. Сам раён ачапілі сілы паліцыі ў бронекамізэльках.