Нямецкі штотыднёвік Spiegel выкрыў уласнага рэдактара Клааса Рэлотыюса які «у значным маштабе падрабляў свае гісторыі і выдумляў герояў».
Першыя падазрэньні наконт прац Рэлотыюса ўзьніклі ў ягонага калегі падчас сумеснай працы над матэрыялам у лістападзе. Пасьля гэтага выданьне правяло ўнутранае расьсьледаваньне.
Пасьля Рэлотыюс прызнаўся, што прыдумляў гісторыі, герояў і скажаў факты. Паводле яго, гаворка ідзе пра 14 непраўдзівых артыкулаў у тыднёвіку. Усяго ад 2011 году ў друкаванай вэрсіі штотыднёвіка і на сайце Spiegel Online выйшла каля 60 тэкстаў ягонага аўтарства.
Раней Рэлотыюс працаваў у іншых СМІ і нават атрымліваў узнагароды за свае матэрыялы.
18 сьнежня журналіст пакінуў сваё працоўнае месца.
У Нямецкім саюзе журналістаў заявілі, што дзеяньні Рэлотыюса нанесьлі значны ўрон ня толькі Spiegel, бо «ён утаптаў у бруд даставернасьць журналістыкі».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў