Лінкі ўнівэрсальнага доступу

Лукашэнка сказаў, што гатовы быў устаць на мяжы паміж Расеяй і Ўкраінай на Данбасе


Сустрэча Аляксандра Лукашэнкі і Пятра Парашэнкі ў Чарнобылі, 2017 год
Сустрэча Аляксандра Лукашэнкі і Пятра Парашэнкі ў Чарнобылі, 2017 год

На сустрэчы з расейскімі журналістамі 14 сьнежня Аляксандар Лукашэнка заявіў, што яго прапановы па кантролі на расейска-ўкраінскай мяжы і правядзеньні выбараў у Данбасе не знайшлі падтрымкі ў прэзыдэнта Ўкраіны Пятра Парашэнкі.

«Я ўжо гатовы быў як памежнік стаць на той мяжы, улічваючы, што да мяне нармальна рускія людзі ставяцца і ўкраінцы, і выбары там правесьці па Менскай дамове... Што вы думаеце? Тыя, каму трэба спыніць гэтую вайну, перш за ўсё Парашэнка і ўкраінцы, самі пачалі гэта адпрэчваць. Матывацыю знайшлі: Лукашэнка прарасейскі», — цытуе Інтэрфакc словы Лукашэнкі на прэс-канфэрэнцыі для расейскіх СМІ ў Менску.

31 кастрычніка на менскай сустрэчы асноўнай групы Мюнхэнскай канфэрэнцыі бясьпекі Аляксандар Лукашэнка заявіў:

«Мы можам узяць на сябе адказнасьць за гарантаваньне міру ва ўсходніх рэгіёнах Украіны і кантроль на расейска-ўкраінскай мяжы, а таксама суправаджаць правядзеньне выбараў на Данбасе, зыходзячы з разуменьня таго, што гэтыя рэгіёны зьяўляюцца неад’емнай часткай Украіны».

Пазьней намесьнік міністра замежных спраў Украіны Васіль Боднар заявіў, што ўкраінскі бок пакуль ня бачыць магчымасьці ўдзелу Беларусі ў міратворчай місіі, паколькі гэта непасрэдна зьвязана з удзелам у АДКБ і расейскімі вайскоўцамі.

«Мы ня хочам сытуацыі, у якой Расея пры дапамозе Беларусі будзе ўплываць на тэрыторыю канфлікту на сваю карысьць», — сказаў дыплямат.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG