Лінкі ўнівэрсальнага доступу

Пратэсты ў Францыі: Макрон выступіць са зваротам да грамадзян


Падчас пратэстаў «жоўтых камізэлек» у парыжы 1 сьнежня 2018 году

Прэзыдэнт Францыі Эмануюль Макрон у пачатку тыдня выступіць са зваротам да грамадзян краіны з прычыны маштабных пратэстаў, якія не сьціхаюць ужо некалькі тыдняў. Пра гэта заявіў прадстаўнік французскага ўраду, паведамляе агенцтва Reuters.

Паводле агенцтва France-Presse, зварот заплянаваны на вечар панядзелка, 10 сьнежня.

Крыніцы агенцтвы паведамілі, што сёньня раніцай Макрон сустрэнецца з прадстаўнікамі прафсаюзаў і працадаўцаў, а таксама мясцовымі ўладамі, каб абмеркаваць сытуацыю.

8 сьнежня ў Францыі адбыліся новыя сутычкі з шматлікімі ўдзельнікамі 125-тысячнага пратэсту так званага руху «жоўтых камізэлек». Больш за 130 чалавек атрымалі траўмы.

Паліцыя заявіла, што затрымала 1385 удзельнікаў акцыі. Як паведамляецца, яна выкарыстала сьлезацечны газ, каб заблякаваць марш да прэзыдэнцкага палаца ў Парыжы.

Ключавыя турыстычныя месцы французскай сталіцы, уключаючы Эўфэлевую вежу і Луўр, былі зачыненыя ў дзень.

Пратэсты так званых «жоўтых камізэлек» у Францыі працягваюцца ўжо трэці тыдзень. Яны пачаліся з патрабаваньня да ўлады адмовіцца ад павелічэньня падаткаў на аўтамабільнае паліва.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG