Дональд Трамп таксама лічыць былога кіраўніка Дзярждэпартамэнта «неверагодна лянівым». Па словах кіраўніка Белага дома, у Тылерсана не было неабходных якасьцяў, каб ўзначальваць амэрыканскую дыпляматыю.
Ён падкрэсьліў, што «ганарыцца» працай цяперашняга дзяржсакратара Майка Пампэа.
Рэкс Тылерсан узначальваў Дзяржаўны дэпартамэнт ЗША з 1 лютага 2017 па сакавік 2018. У пятніцу ў інтэрвію каналу CBS Тылерсан заявіў, што яго адносіны з Трампам сапсаваліся з прычыны вялікай розьніцы ў каштоўнасьцях. Па словах Тылерсана, ён неаднаразова нагадваў прэзыдэнту, што некаторыя яго патрабаваньні — незаконныя. Пра якія менавіта даручэньні ідзе гаворка, не ўдакладняецца.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў