Амбасадарка ЗША ў ААН Нікі Гэйлі заявіла, што рэзалюцыя зьяўляецца «важным крокам» для дасягненьня міру на Блізкім Усходзе.
Злучаныя Штаты Амэрыкі не змаглі атрымаць у Генасамблеі ААН падтрымку рэзалюцыі, якая ўпершыню асудзіла радыкальную ісламісцкую групоўку «Хамас» за абстрэлы тэрыторыі Ізраілю.
Паколькі рашэньне прымалася двума трацінамі, а ня простай большасьцю, рэзалюцыя на галасаваньні 6 сьнежня правалілася. За прыняцьце рэзалюцыі выказаліся 87 дзяржаў-сяброў ААН, супраць — 57 краінаў, сярод іх Расея, арабскія краіны, а таксама дзяржавы Лацінскай Амэрыкі.
Перад галасаваньнем амэрыканская амбасадарка ў ААН Нікі Гэйлі заявіла, што рэзалюцыя зьяўляецца «важным крокам» для дасягненьня міру на Блізкім Усходзе.
У праекце дакумэнту палестынская групоўка асуджалася за «гвалт, які ставіць у небясьпеку мірных жыхароў». У рэзалюцыі, у прыватнасьці, згадваюцца ўжываньні «Хамасам» ракет супраць мірнага насельніцтва Ізраілю.
У чэрвені ў Радзе Бясьпекі ААН не прайшлі абодва праекты рэзалюцыяў у адказ на эскаляцыю гвалту ў сэктары Газа. Па прапанове Кувэйту даць «міжнародную абарону» цывільным палестынцам 1 чэрвеня наклалі вэта ЗША, прапанова ж Вашынгтону асудзіць радыкальны ісламісцкі рух «Хамас» не знайшла падтрымкі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў