Лінкі ўнівэрсальнага доступу

У Менску ўзгаднілі дату перадачы Ўкраіне больш за 60 асуджаных


На пасяджэньні гуманітарнай падгрупы Трохбаковай кантактнай групы ўзгаднілі перадачу Ўкраіне больш за 60 асуджаных, якія будуць адбываць пакараньне на ўкраінскай тэрыторыі.

Пра гэта паведаміла першы віцэ-сьпікер Вярхоўнай Рады, прадстаўнік Украіны ў гуманітарнай падгрупе Ірына Герашчанка.

«На гуманітарнай групе, пасьля шматмесячных дэбатаў, узгаднілі дату і месца перамяшчэньня асуджаных, не зьвязаных з канфліктам. Гэтыя людзі ўчынілі злачынства, але яны грамадзяне Ўкраіны, і маюць права адбываць пакараньне на тэрыторыі, кантраляванай украінскімі ўладамі», — адзначыла Герашчанка.

Яна дадала, што на сёньня каля 1000 асуджаных хочуць сядзець ва ўкраінскіх турмах.

«Цяпер дасягнутая дамоўленасьць аб пераезьдзе больш за 60 зь іх. Перамяшчэньне павінна адбыцца ў бліжэйшыя дні», — паведаміла віцэ-сьпікер.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG