Лінкі ўнівэрсальнага доступу

Прадстаўнік Трампа распавёў, хто адказвае за нестабільнасьць у сьвеце


Прэзыдэнт ЗША Дональд Трамп будуе новы сусьветны парадак, які будзе падтрымлівацца амэрыканскім лідэрствам і дэмакратыяй.

Пра гэта заявіў дыпляматам дзяржсакратар Майк Пампэа на мерапрыемстве ў Брусэлі ў аўторак. Пры гэтым ён усклаў віну за нестабільнасьць у сьвеце на Іран і Кітай.

«У найлепшых традыцыях нашай вялікай дэмакратыі мы аб’яднаем паважаныя краіны для пабудовы новага лібэральнага парадку, здольнага прадухіліць вайну і дамагчыся большага росквіту», — сказаў Пампэа ў сваім зьнешнепалітычным выступе.

«Пры прэзыдэнце Трампе мы не адмаўляемся ад міжнароднага лідэрства і ад нашых сяброў у міжнароднай сыстэме», — дадаў ён.

У сваім выступе Пампэа раскрытыкаваў Іран і Кітай, адкінуўшы здагадкі аб тым, што Вашынгтон дзейнічае ў аднабаковым парадку.

«Нават нашыя эўрапейскія сябры часам кажуць, што мы ня дзейнічаем у інтарэсах вольнага сьвету. Гэта проста ня так, — сказаў ён. — Мы дзейнічаем у мэтах захаваньня, абароны і прасоўваньня адкрытага, справядлівага, транспарэнтнага і вольнага сьвету сувэрэнных дзяржаў. Гэты праект запатрабуе рэальнага, а не няшчырага аднаўленьня лібэральнага парадку паміж дзяржавамі. Для гэтага патрэбна ўпэўненая ў сабе Амэрыка і лідэрства ня толькі маёй краіны, але і дэмакратый усяго сьвету».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG