4 сьнежня Генэральная пракуратура Ўкраіны апублікавала рэканструкцыю падзей агрэсіі Расеі ў нэўтральных водах Чорнага мора супраць Украіны.
Генэральная пракуратура паведаміла пра падазрэньні васьмі расійскіх вайскоўцаў, якія маюць дачыненьне да раненьня двух вайскоўцаў ВМС Украіны і аднаго супрацоўніка СБУ, а таксама захоп украінскіх суднаў.
(Відэа Генэральнай пракуратуры Ўкраіны)
«Падчас дасудовага расьсьледаваньня фактычна за 7 дзён сабрана 17 тамоў доказаў учыненьня Расейскай Фэдэрацыяй агрэсіі ў адносінах да Ваенна-марскіх сіл УС Украіны», - паведаміла прэс-сакратар генпракурора Ларыса Сарган.
