Лінкі ўнівэрсальнага доступу

Сьледчыя Ізраілю рэкамэндуюць абвінаваціць прэм’ер-міністра і ягоную жонку ў карупцыі


Біньямін Нэтаньягу, прэм'ер-міністар Ізраілю

Хабар, махлярства і падрыў грамадзянскага даверу — такія абвінавачаньні могуць быць высунутыя супраць прэм’ер-міністра Ізраіля Біньяміна Нэтаньягу і ягонай жонкі Сары Нэтаньягу.

Інфармацыя стала вядомая з дазволу генэральнага пракурора Ізраілю. Ён жа мае прыняць рашэньне, ці выстаўляць прэм’ер-міністру афіцыйныя абвінавачаньні, — піша Jerusalem Post.

Расьсьледаваньне праводзіцца ў межах так званай «справы 4000». Разам зь сям’ёй прэм’ер-міністра падазрэньні ў карупцыі выстаўленыя цэламу шэрагу высокапастаўленых чыноўнікаў.

З 2014 па 2017 гады Нэтаньягу спалучаў пост прэм’ер-міністра з пасадай міністра сувязі. Сьледства мяркуе, што ў гэты пэрыяд ён дапамог кампаніі «Бэзэк» павялічыць прыбытак у абмен на станоўчае асьвятленьне ягонай працы. «Бэзэк» узначальвае сябар Нэтаньягу Шаўль Яловіч. Супраць яго таксама могуць быць выстаўленыя абвінавачаньні.

Сам Біньямін Нэтаньягу абвінавачаньні адкідае.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG