Губэрнатар Аляскі Біл Уокер 30 лістапада абвясьціў у штаце рэжым стыхійнага бедзтва ў сувязі зь землятрусам. Пра гэта Ўокер паведаміў у сваім твітэры.
«Пасля буйнога землятрусу я апублікаваў заяву аб рэжыме стыхійнага бедзтва, я знаходжуся ў непасрэдным кантакце зь Белым домам» — напісаў Уокер.
Паводле паведамленьня CNN, у 8:30 паводле мясцовага часу адбыўся ўздрыг зямлі магнітудай 7 з эпіцэнтрам непадалёк ад Анкарыдж, сталіцы штату.
Паведамленьняў аб ахвярах на дадзены момант няма.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў