Камісія па надзвычайных сытуацыях прыняла рашэньне аб прыпыненьні працы школы ў № 4 у Асіповічах (Магілёўская вобласьць).
Як паведаміла Міністэрства па надзвычайных сытуацыях Беларусі, будынак Асіповіцкай сярэдняй школы № 4 быў абсьледаваны спэцыяльнай арганізацыяй. Па выніках праверкі высьветлілася, што перакрыцьцё пліт трэцяга паверха знаходзіцца ў нездавальняючым стане.
28 лістапада камісія па надзвычайных сытуацыях пры Асіповіцкім райвыканкаме правяла пазачарговае пасяджэньне, па выніках якога было вырашана часова забараніць эксплюатацыю будынку.
З 29 лістапада заняткі ў школе № 4 адмененыя, з 30 лістапада навучальны працэс будзе арганізаваны на базе гімназіі Асіповічаў.
У МНС адзначаюць, што заплянаваныя працы па зьняцьці нагрузкі з пліт і іх умацаваньні.
Будынак Асіповіцкай школы № 4 — 1966 году пабудовы, трохпавярховы, перакрыцьці — жалезабэтонныя пліты. Навучаецца ў школе 740 чалавек.