У Чарнобыльскай зоне адкрылі digital-скульптуру ARTEFACT, якая нагадвае атмасфэру начнога клюбу.
Інтэрактыўную лічбавую скульптуру, прысьвечаную праблемам інфармацыйнай эпохі, у цэнтры закінутага горада Прыпяць у Чарнобыльскай зоне адчужэньня прэзэнтавалі яе суаўтары — украінскія і французкія мастакі.
Горад, які адсялілі пасьля ядзернай катастрофы 1986 году, мастакі напоўнілі незвычайнымі для яго колерамі і рытмамі. Пасьля Прыпяці інсталяцыя адправіцца ў іншыя краіны, і разам зь ёй арганізатары павязуць па сьвеце майстар-клясы, лекцыі і публічныя дыскусіі, прысьвечаныя інфармацыйнай бясьпецы, мэдыя-пісьменнасьці і процідзеяньню інфармацыйным фэйкам.
