Лінкі ўнівэрсальнага доступу

Старшыня Вярхоўнага суду ЗША выступіў у абарону судзьдзяў ад крытыкі Трампа


Старшыня Вярхоўнага суду ЗША Джон Робэртс
Старшыня Вярхоўнага суду ЗША Джон Робэртс

Старшыня Вярхоўнага суду ЗША Джон Робэртс выступіў з заявай, у якой адказаў на словы прэзыдэнта Дональда Трампа.

«У нас няма судзьдзяў Абамы ці судзьдзяў Трампа, судзьдзяў Буша ці судзьдзяў Клінтана, — цытуе The Wall Street Journal заяву Робэртса. — У нас ёсьць надзвычайная група адданых судзьдзяў, якія робяць усё магчымае, каб даць роўныя правы ўсім, хто зьвяртаецца да іх. Мы павінны быць удзячныя за існаваньне незалежнай судовай ўлады».

Выступаючы перад журналістамі 20 лістапада, Трамп скрытыкаваў рашэньне фэдэральнага суду, скіраванае супраць ягоных плянаў забараніць замежнікам падаваць на прытулак ў ЗША, калі яны ня ўехалі ў краіну ў вызначаных пунктах.

«Гэта быў судзьдзя Абамы, і вось што я вам скажу, такога больш ня будзе», — сказаў Трамп. Ён таксама назваў Апэляцыйны суд Дзявятай фэдэральнай акругі ЗША, базаваны ў Сан-Францыска, «ганьбай».

Старшыня Вярхоўнага суду зрабіў сваю заяву ў адказ на запыт агенцтва Associated Press. Джон Робэртс быў намінаваны на сваю пасаду ў 2005 годзе прэзыдэнтам Джорджам Бушам-малодшым.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG