Мужчына адкрыў агонь каля шпіталя Mercy Hospital у Чыкага пасьля сваркі зь сяброўкай. Потым ён забег у шпіталь і працягнуў страляніну там.
У выніку тры чалавекі, а таксама сам нападнік, загінулі.
Мужчына застрэліў лекарку хуткай дапамогі, а ў самым шпіталі — аптэкарку і паліцыянта. Лекарцы Тамары О’Ніл было 38 гадоў, аптэкарцы Дэйне Лес — 25 гадоў. Загінулы паліцыянт Сэмюэл Хімэнэс быў жанаты, у яго трое дзяцей.
Нападнік некалькі хвілін вёў перастрэлку з паліцыяй. Пакуль невядома, ці быў ён застрэлены паліцыяй, ці ўчыніў самагубства.